Зиак... Ингээд өнөөдрөөс эхлээд шинэ андтай нөхөрлөх нөхөрлөлийн анхны алхамаа тавьж байна. Үргэлж өөрийн гэсэн хувийн архивтай болох юмсан гэж боддог байлаа. Гэхдээ энэ БЛОГ гээч нөхрийг мэддэггүй байхдаа шүү дээ. Над шиг шөнө дөлөөр ч хамаагүй юм нь хөдлөхөөрөө гарт ойр байгаа тааралдсан үзэг цаасаа нийлүүлээд суучихдаг хүнд хамгийн их хэрэгтэй зүйл юмаа. Өмнө нь өөрийнхөө өмч дотор энд тэндгүй New Folder нээчихээд болсон болоогүй хов жив, бүтсэн бүтээгүй хайр дурлал, өчигдрийн хэрүүл өнөөдрийн адал явдлаас авахуулаад Баяраагийн төрсөн өдөр Болороогийн төрүүлсэн өдрийг хүртэл энд тэндгүй бичиж орхичихоод дараа нь тэдгээрийнхээ учрыг нь олж хужрыг нь тунгаах гэж багагүй мунгинадаг хүнд бол үүн шиг сайн найз гэж хаа байх вэ. Заримдаа 3 хоногийн өмнө дурлаад 2 хоногийн өмнө найзлаад 1 хоногийн өмнө хаягдсан залуугийн талаар өнөөдөр уйлан хайлан бичсэн нандин зүйлээ ширээн дээрээ орхичихсоныг ээж олж харчихаад хар багаасаа хар юмны хойноос...... гээд л урсгаж өгийшд. Одоо ч намайг загинах шалтаг ээжид олдохгүй л дээ хэхэх. Одоо ингээд БЛОГ бид 2-ын нөхөрлөлийн эхлэл тавигдлаа....