Тойлгойгоо буруу харуулаад өмсчихөж. :|: Angaahai's Diary

Angaahai's Diary

2009-02-13

Тойлгойгоо буруу харуулаад өмсчихөж.

Шөнө барррраг л унтаж чадсангүй. Өчигдөр ажил нь багадаад баахан сүнс чөтгөртэй юм олоод, ороод уншцан чинь нүд аньмагц л бодогдоод болсонгүй. Гай болж нүдээ аньж байгаад нээтэл нөгөө хараал идсэн сүнс мүнс нь дээрээс өнгийгөөд харж байгаа юм шиг санагдаад нүдээ аньж чадсангүй. Хараатай байгаад байхаар бас там юмаа. Сарны гэрэлд энд тэнд юм сүүтгэнээд байгаа ч юм шиг. Ядаж байхад манай хөргөгчний дуу ийм чанга чимээтэй байсныг анзаараагүй явж. Тэгж тэгж өөрийн эрхгүй нүдээ аньсан бололтой унтсан байна. Гэтэл шөнийн 4 цаг өнгөрч байхад нэг нөхрөөс мэсэээж ирж, цочоож энэ тэр... Ямар чөтгөр нь харанхуй шөнө үлийгээ хийгээд унтаагүй байж байдаг байнаа. Тэгээд мөрөөрөө сэрүүндкүү хүний жаргах замд саад болж эдэр... Дахиад л унтаж чадсангүй. Нөгөө чөтгөр шулам нь шөнө дунд бараг л ид шидийн юм шиг л өөрийн эрхгүй сэрээчдэг гэсэн энэ тэр нь санаанд орохын зэрэгцээ бас нэг айдастай. Шээс хүрүүл яанаа яахын болжыноо. Ядаж нойлын өрөө орох замд хананд хадсан том тольны хажуугаар яаж гарнаа. Хонгилын гэрэл асаах, суултууртай золгохын тулд заавал тэрүүгээр дамжина гэж байгаа. Нүдээ аниал гүйхээс. Нүдээ нээсэн чинь нэг нөхөр зэрэгцээд гүйж байвал шууд нам цохиулна биддээ гэсэн шүү юм бодож элийрээл хэвтжийсэн чинь бодол дагаад ч тэр үү яг хүрлээ шүү нөгөөх чинь. Гүрийж гүрийж садардгийн даваан дээр тактикаа хэрэгжүүлээл дайрцан. Давсаг суллах ажиллагаа санасныг бодоход овоо ийм тийм саад бэрхшээлгүй амжилттай явагдлаа.Орны доороос үхээрийн сарвуу гарч ирээд хөлнөөс чангаахаас урьдчилан сэргийлэн, тээр холоос хөнжилрүүгээ үсрэхдээ буруу баримжаалж өрөөсөн хөл эвгүй газардсаныг эс тооцвол шүү дээ. За тэгээд л үүрээр овоо дуг хийжээ. Ер нь бол нам унтаж эхлэж байтал сэрүүлэг... Тав арван минутын давтамжтайгаар жонгинуулсаар байгаад арай гэж найм дөчин тавд дуртай дургүй орноосоо ховхров. Юун шүршүүр мүршүүр. Шүдэндээ оо чихэж аваад л сойзоо хоёр хөдөлгөөд, нэг нулимаад, ус балгаж, хацраа хоёр удаа төмбийлгөөд , нулмлаа гүйцээ. Урьдынх шиг өмсөх хувцсаа хайж сүйд болсон ч үгүй. Шөнөжин чөтгөртэй тэмцээд эсэн мэнд үлдсэндээ тайвшраад өнөөдөр сайхан харагдах эсэхдээ анхаарал тавихтай манатай. Өчигдрийн тайлаад шидсэн хувцаснуудаа энд тэндээс цуглуулаад дуусдгийн даваан дээр өрөөсөн оймс олддоггүй. Оймснууд газрын гаваар орсон юм шиг ууттай юутай хийтэйгээ хаана ч алга. Зүгээр нэг шургуулганд нь оймснуудаа хийчихье гээд байхад чинь ээж гэж нэг юм заавал уут сав гээд... гэсэн бодол толгойд харваал алга болов. Ашгүй сандалны хөлд оймсны хэлтэрхий нүдэнд харагдав. За яадын цус. Намайг ямар ижил оймс өмсжүү гэж хэн нэгэн нь шалгаж үзэх биш. Өдөр ундны цагаар доод дэлгүүрээс оймс аваад өмсчихье гэж өөртэйгээ яриад гутал курткээ ум хумгүй өмсөж аваад гарав. Ашгүй зам дээр гарч такси барих шаардлага гарсангүй. Нэг цагаан машин үүдээр өнгөрч явахад нь гараараа дохивол зогсчихлоо. Хүрэх газраа хэлчихээд цагруу нэг хялалзчихаад л явж байлаа. Ах байн байн толиндоо намайг хараастай. Юугаа хардаг байнаа цас орчихсон халтиргаа гулгаатай байхад замаа л харна биз. Ядаргаатайшд энэ хүмүүс. Хөөрхөн төрссөн нь миний буруу юу ухааны юм бодоол додигор сууж явсаар үүдэндээ ирэв. Жолооч хөлсөө авахаар эргэхдээ: Нэлээд яарчээ дээ. Нүүрээ ч гүйцэд угаагаагүйг бодоход гээд жоготой харц шидлээд, ёжилсон байртай инээж байна. Үгнийх нь ухааныг олох сөхөө байсангүй. Энэнд ямар хамаатай ийн гэж уур хүрмэр аядаад , ямартай ч хоцорсонгүй, 3 минут бол хоцорсонд тооцохгүй гэж бодон гүйлээ. Ашгүй хэн ч ирээгүй байна. Хэн ч гэж дээ хоёулахнаа юм чинь хахахах. Одоо шөнийн явдал аймаар биш инээдтэй санагдаж байна хахахах. Компьютерээ асаагаал дассан сурснуудаа эргэхээр нээчихээд цүнхнээсээ толь гаргаж ирж царайгаа харав. Үхтлээ инээмээр санагдлаа. Өөрөөсөө нэрлэхээд инээсэнгүй. Сэгсийсэн үстэй. Хацар дээр нь хоёр улаан юм гарчихаж. Нэг шөнийн дотор хоёр шүү... Хамгийн инээдтэй нь шүдээ угаачихаад нүүрээ угаагаагүйн хар гай ам тойроод хацар дамжаад тодоос тод. Нойтон салфеткаар хатсан оог арилгаж, нүүрээ угаав. Үхсний чинь хөөрхөн төрөх. Жолоочийн хараад байсан нь ийм учиртай байсан юм байна. Удалгүй ажлын эгч ирэв. Урьдын адил цоглог орж ирж байна. Гүүүүүд Морнинг гээд л хүмүүстэй мэндлэх дуу нь цахилгаан шатны тэр хавьцаагаас цангинана. Таних танихгүй хүн болгонтой л сүжрэхийн. Гадаад дотоодод олон жил болохоор ийм болчихдог юм байх даа. Уг нь гэхдээ авууштай чанар шүү гээл боджээтал ороод ирлээ. За тэгээд л аягатай кофегоо тэврээл суужийсан чинь ажлын эгч гэнэт л тас тас хөхрөөд эхлэв тэгснээ гайхаж амжаагүй байхад цамцаа цамцаа гээд л инээгээд байх юм. Цамцаа харсан буруу харуулаад өмсчихөж. Удалгүй угаалгын өрөө орох гээд бостол хавирга сүвээ барьж хатгаад нэг л сониооон. Гараа явуулаад тэмтрээд шалгатал хөхөвчөө хэд ороогоод дэгээдчихэж. Нэг л бомбоорсон юм. Өдөр үдийн цайны цаг боллоо. Өрөөсөн оймснуудаа ижилээр солих санаатай дэлгүүрт оров. Оймс авангаа гуталруугаа хартал нэг л том ч юм шиг. Алхаад үзлээ, яах аргагүй томоо. Юу вээээ? Эгчийнхээ гутлыг өмсчихөж, яг адилхан өнгөтэй, адилхан гутал болохоор анзаараагүй хэрэг. Түрүүнээс хойш хүндрээд түүртээд байсан нь гутлаа даахгүй байсантай холбоотой байж. Ёстой нэг сонин өдөр болж байнаа. Би уг нь ийм хүн биш л дээ. Гэхдээ ийм хүн болоод л ингэж байгаа юм болов уу? Явж явж тэнэг сүнс чөтгөрүүдээс л боллоо. Дахиж тийм юмаар шагайхгүй ээ. Саяны хэдийг хэрэггүй уншиж. Дахиад унтаж чадахгүй бол яаана. Ерөөсөө энэ шинээр нэмэгдсэн аймшгийн бичлэгийг ч хаачихъя. Одоо өдрийн тал нь л дуусч байдаг. Өшөө цаашаа надтай юу тохиолдох болоо? гэдэг л сонин байна. Арай толгойгоо... за тийм юм ч гэж юу байх вэ дээ хэхэх.

. Сэтгэгдэл бичих! . Найздаа илгээх

Comments

2009-03-13 -

Бичсэн: Angaahai

Кэкчүкээ заавал л намайг алкаадаан байна тээ.

Дизи гуай нас үндэс угсаа гарал юу юугаар нь ч билээ дээрэлхэж ялгаварлан гадуурхах муухай даа.